శ్రీ గణపతి, సరస్వతీకల్ప ప్రయుక్త సప్తనదీజలాభిషేక, లక్ష కలముల వితరణ మహోత్సవము

సప్తనదీజలాల అభిషేకం :
గంగేచ యమునేచైవ గోదావరి సరస్వతి.! నర్మదే సింధు కావేరి జలేస్మిన్ సన్నిధింకరు.!!
సప్తనదీజలాల అభిషేకం ప్రతీ సంవత్సరము మాఘ శుద్ధ సప్తమి నాడు జరుపబడును.
ప్రతి సంవత్సరం మాఘ శుద్ద సప్తమి పర్వదినమున భారతదేశములో జీవనదులు అయినటువంటి గంగ, యమున, గోదావరి, సరస్వతి, నర్మద, సింధు, కావేరి ఈ నదుల యొక్క జలములతో శ్రీ స్వామి వారికి ఆభిషేకము చాలా విశేషముగా జరుగును. తదుపరి వినూత్నముగా చదువుల పండుగ జరుపబడును.

చదువుల పండుగ:
వ్యాసమహర్షి భారతమును రచించినపుడు విద్యాబలంగల శ్రీ విఘ్నేశ్వరుని వ్రాయమని కోరడమైనది. అందున ఆ గ్రంధాన్ని అత్యంత వేగవంతముగా వ్రాయుట జరిగినది మరియు విద్యారంభే అను శ్లోకములో వినాయకుని పూజ చేయుట జరిగినది. కావున శ్రీస్వామి వారి కరుణాకటాక్షముతో విద్యార్ధిని విద్యార్ధులు అందరూ ఉత్తమమైన ఉత్తీర్ణత సాధించుటకు ప్రతి సంవత్సరం శ్రీ స్వామి వారికి లక్ష దూర్వములతో పూజించి తదుపరి లక్ష కలములను శ్రీ స్వామి వారి పాదముల చెంత ఉంచి తదుపరి ఆ కలములను విద్యార్ధిని విద్యార్ధులకు ఉచితముగా వితరణ చేయబడును.